Mannvitsbrekka af Skaganum.

Eftir lestur viðtals við Guðjón Þórðarsson skil ég margt mikið betur .

Sjáið þetta:      “Neinei, hann var með fullt af fagfólki í kringum sig(t.d. Tryggva Þór Herbertsson.).Ég vildi hins vegar að hann hefði hlustað meira á mig. Þá hefði hann farið öðruvísi í gegnum sum mál.Og það var ekki stefna Sjálfstæðisflokksins sem klikkaði. Stefna flokksins stendur sterk og óhögguð eftir og mér finnst að menn ættu að gera meira í því að verja hana af krafti.. Í staðinn höfum við glórulausan sósíalisma sem veður hér uppi og mun keyra þetta samfélag í vesældina eina“ ............Líkur hér tilvitnun í mannvitsbrekkuna Guðjón Þórðarsson.

  Sem sagt það var ekki  plan (stefna sjálfstæðisflokksins) þjálfarans (Geirs ) sem klikkaði. Það var aðstoðarmönnum (Tryggva o.fl. )  þjálfarans(Geirs) sem klikkaði.   Planið(stefna sjálfstæðisflokksins) er sterk og góð. Það er nauðsynlegt að verja hana með kjafti og klóm . Liðið (sjálfstæðisflokkurinn ) er fallinn í 4 deild og verður þar áfram en samt skal varist. Það er allt hinum liðunum að kenna að liðið(sjálfstæðisflokkurinn) féll. Gleymdi fyrrverandi landsliðsþjálfari og þjálfari erlendis ( þið munið árangurinn.) af hverju „sósíalisminn“ veður hér uppi. Sósíalisminn er ekkert að keyra allt í þrot, liðið (sjálfstæðisflokkurinn) sá um það af sjálsfsdáðum.

 Sem betur fer þá fór hann ekki í pólitíkina, því þá væri þetta vesen sem hann lýsir hér öllum öðrum að kenna en flokknum (sjálfstæðisflokknum).

Guðjón Þórðarson verður ekki í vandræðum með að finna sökudólginn ef ekkeert gengur fyrir vestan. Það verða örugglega „áhorfendur“ sem stóðu sig ekki.